Аб удзеле Пасла Беларусі У.Баравікова ў сустрэчы кіраўнікоў Беларускага таварыства дружбы і культурнай сувязі з замежнымі краінамі і В'етнамскага саюза таварыстваў дружбы
22.03.2024 г.22 сакавіка 2024 г. Надзвычайны і Паўнамоцны Пасол Рэспублікі Беларусь у В'етнаме Уладзімір Баравікоў прыняў удзел у сустрэчы Старшыні Беларускага таварыства дружбы і культурнай сувязі з замежнымі краінамі Ніны Івановай са Старшынёй В'етнамскага саюза таварыстваў дружбы Фан Ань Шонам. У мерапрыемстве таксама прынялі ўдзел Пасол В'етнама ў Беларусі Данг Ван Нгы і старшыня таварыства дружбы «В'етнам-Беларусь» Нгуен Туан Фонг.
У ходзе сустрэчы пацверджана зацікаўленасць бакоў у далейшым развіцці ўзаемавыгаднага супрацоўніцтва ў духу традыцыйнага сяброўства, даверу і ўзаемаразумення паміж краінамі. Адзначана важнасць народнай дыпламатыі для ўмацавання міждзяржаўных сувязей і кантактаў паміж людзьмі. Для сумеснай рэалізацыі ў блізкатэрміновай перспектыве намечаны шэраг канкрэтных мерапрыемстваў.
Пасол Баравікоў у сваім выступленні пацвердзіў гатоўнасць да прадаўжэння ўсялякага садзейнічання пашырэнню і ўмацаванню ўзаемадзеяння паміж краінамі на трэку народнай дыпламатыі.
