Аб сустрэчы Пасла Уладзіміра Баравікова з Прэзідэнтам В'етнамскай акадэміі навук і тэхналогій Чан Хонг Тхаем
03.06.2026 г.3 чэрвеня 2026 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў правёў сустрэчу з Прэзідэнтам В'етнамскай акадэміі навук і тэхналогій Чан Хонг Тхаем.
Бакі абмеркавалі пытанні двухбаковага навукова-тэхнічнага супрацоўніцтва, арганізацыі абменных візітаў і рэалізацыі сумесных праектаў у рамках падпісаных пагадненняў і аб'яўленых конкурсаў. Асаблівая ўвага нададзена пашырэнню ўзаемадзеяння ў сферы адукацыі, у тым ліку навучанню в'етнамскіх спецыялістаў у ВНУ Беларусі.
У той жа дзень Пасол Уладзімір Баравікоў прыняў удзел у сустрэчы кіраўнікоў Нацыянальнай акадэміі навук Беларусі і В'етнамскай акадэміі навук і тэхналогій, якая прайшла ў фармаце відэаканферэнцыі. У сваім выступленні ён адзначыў актыўнае і плённае супрацоўніцтва акадэмічных цэнтраў дзвюх краін, звярнуў увагу на важнасць фундаментальных даследаванняў і паскоранага ўкаранення іх вынікаў у рэальнае жыццё ў інтарэсах далейшага развіцця нацыянальных эканомік і забеспячэння росту дабрабыту насельніцтва.
