Аб удзеле Пасла Ул.Баравікова ў цырымоніі адкрыцця фотавыставы ў Музеі ваеннай гісторыі В'етнама
02.07.2024 г.2 ліпеня 2024 года, напярэдадні Дня Незалежнасці Рэспублікі Беларусь, Надзвычайны і Паўнамоцны Пасол Беларусі ў В'етнаме Уладзімір Баравікоў адкрыў у Музеі ваеннай гісторыі В'етнама фотавыставу «Нішто не забыта», прымеркаваную да 80-годдзя вызвалення Беларусі ад нямецка-фашысцкіх захопнікаў.
Мерапрыемства арганізавана ў рамках сумеснага праекта з удзелам Музея Вялікай Айчыннай вайны ў г.Мінску.
У сваёй прывітальнай прамове Пасол Уладзімір Баравікоў акцэнтаваў важнасць захавання гістарычнай памяці і праўды аб Вялікай Айчыннай вайне, подзвігу беларускага і ўсяго савецкага народа, перамозе, якая дасталася вельмі дорага – цаной велізарных эканамічных страт і жыццяў трэці беларускага насельніцтва.
Звернута ўвага на ўклад краіны і асабіста Прэзідэнта Рэспублікі Беларусь Аляксандра Рыгоравіча Лукашэнка ў забеспячэнне міру і бяспекі ў рэгіянальным і глабальным маштабе. Падкрэслена важнасць далейшага развіцця ўзаемавыгадных беларуска-в'етнамскіх адносін на аснове традыцыйнай дружбы, даверу і ўзаемаразумення.
У выступленні дырэктара Музея ваеннай гісторыі В'етнама Ле Ву Хюі прадстаўлены асноўныя элементы фотавыставы, якая распавядае аб жорсткасці і зверствах фашыстаў у дачыненні да мірнага насельніцтва, мужнасці і гераізме байцоў Чырвонай Арміі, праяўленыя пры вызваленні беларускай зямлі, паспяховым адраджэнні і аднаўленні рэспублікі ў пасляваенны перыяд, высокім узроўні і актыўнай дынаміцы беларуска-в'етнамскага супрацоўніцтва.
У мерапрыемстве прынялі ўдзел прадстаўнікі Цэнтральнага Камітэта Камуністычнай партыі В'етнама, Міністэрства нацыянальнай абароны, іншых органаў дзяржаўнага кіравання, ваенных музеяў і навучальных устаноў г.Ханоя, СМІ.
