Аб удзеле Пасла У.Баравікова ў мерапрыемствах цырымоніі падпісання Канвенцыі ААН па барацьбе з кіберзлачыннасцю
25.10.2025 г.25 кастрычніка 2025 г. у г. Ханае Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у мерапрыемствах цырымоніі падпісання Канвенцыі ААН па барацьбе з кіберзлачыннасцю.
Важную для забеспячэння глабальнай кібербяспекі падзею адкрылі Генеральны сакратар ААН Антоніу Гутэрыш і Прэзідэнт В'етнама Лыонг Кыонг.
Канвенцыю ААН ад імя Рэспублікі Беларусь падпісаў Міністр унутраных спраў Іван Кубракоў, які ў складзе кіраўнікоў замежных дэлегацый быў прыняты Генеральным сакратаром ЦК Кампартыі В'етнама То Ламам.
У рамках мерапрыемстваў адбыліся кантакты з кіраўнікамі дэлегацый замежных краін, прадстаўнікамі кіраўніцтва в'етнамскіх органаў дзяржаўнага кіравання, дыпламатычных місій.
