Аб сустрэчах Пасла Беларусі У.Баравікова ў М'янме
30.10.2025 г.30 кастрычніка 2025 г. Надзвычайны і Паўнамоцны Пасол Рэспублікі Беларусь у В'етнаме і М'янме (па сумяшчальніцтве) Уладзімір Баравікоў завяршыў рабочы візіт у гг. Найп'іда і Янгон.
У рамках сустрэчы з Саюзным міністрам унутраных спраў генерал-лейтэнантам Тун Тун Наунгам абмеркаваны перспектывы развіцця супрацоўніцтва праваахоўных органаў дзвюх краін. Разгледжаны крокі па аказанні садзейнічання грамадзянам Беларусі, якія могуць патрапіць у экстрэмальныя сітуацыі на тэрыторыі М'янмы.
З Прэзідэнтам Федэрацыі гандлёва-прамысловых палат Рэспублікі Саюз М'янма Эй Вінам Пасол Беларусі «зверыў гадзіннік» па бягучаму ўзаемадзеянню бізнес-колаў дзвюх краін. Дасягнута дамоўленасць аб правядзенні да канца 2025 года сумеснага дзелавога мерапрыемства.
Уладзімір Баравікоў нанёс візіт ветлівасці Паслу Расійскай Федэрацыі ў Рэспубліцы Саюз М'янма Іскандэру Азізаву. Пацверджаны традыцыйна сяброўскі характар узаемадзеяння дыпмісій дзвюх краін.
