Аб удзеле Пасла У.Баравікова ў юбілейнай цырымоніі падпісання Парыжскага пагаднення
17.01.2023 г.17 студзеня 2023 г. Пасол Беларусі Уладзімір Баравікоў прыняў удзел у цырымоніі, прысвечанай 50-годдзю падпісання Парыжскага пагаднення аб спыненні вайны і аднаўленні міру ў В'етнаме.
Гэта падзея мае выключнае значэнне не толькі для в'етнамскай гістарыяграфіі, але і азнаменавала важную вяху ў гісторыі міжнародных адносін.
У цырымоніі прынялі ўдзел члены Палітбюро і ЦК Кампартыі В'етнама, а таксама намеснік старшыні Нацыянальнага сходу СРВ.
На мерапрыемстве ў прысутнасці былога кіраўніка дэлегацыі Часовага рэвалюцыйнага ўрада Рэспублікі В'етнам, замежных дыпламатаў, былых в'етнамскіх чыноўнікаў і гісторыкаў выступіў Міністр замежных спраў В'етнама Буй Тхань Шон.
Адбылася таксама ўрачыстая цырымонія гашэння спецыялізаванай паштовай маркі.