Палітычнае ўзаемадзеянне
Дыпламатычныя адносіны паміж Рэспублікай Беларусь і Рэспублікай Саюз М'янма ўстаноўлены 22 верасня 1999 г.
Палітычнае ўзаемадзеянне паміж краінамі выбудоўваецца на аснове даверу і ўзаемаразумення і працягвае актыўна развівацца ў інтарэсах абодвух бакоў.
Ажыццяўляюцца візіты дэлегацый высокага ўзроўню.
У снежні 2011 г. адбыўся афіцыйны візіт Прэм'ер-міністра Рэспублікі Беларусь М.Ул.Мясніковіча у М'янму.
Падтрымліваюцца міжпарламенцкія сувязі.
У траўні 2015 г. прайшоў афіцыйны візіт м'янманскай парламенцкай дэлегацыі на чале са спікерам Палаты нацыянальнасцей Парламента Рэспублікі Саюз М'янма Кхін Аун М'інам у Рэспубліку Беларусь.
Ажыццяўляецца ўзаемадзеянне паміж знешнепалітычнымі ведамствамі.
У ліпені 2000 г. Рэспубліку Беларусь з афіцыйным візітам наведаў Міністр замежных спраў М'янмы Він Аўн. У верасні 2023 г. Беларусь з афіцыйным візітам наведаў Намеснік Прэм'ер-міністра ‒ Міністр замежных спраў М'янмы Тан Свэ.
У лістападзе 2013 г. у М'янме прайшлі кансультацыі паміж МЗС на ўзроўні намеснікаў міністраў замежных спраў.
Падтрымліваецца ўзаемадзеянне на ўзроўні кіраўнікоў міністэрстваў і арганізацый Беларусі і М'янмы.
2-7 мая 2023 г. адбыўся візіт у Беларусь Міністра па справах міграцыі і народанасельніцтва М'янмы М'ін К'яінга.
Член Урада Рэспублікі Саюз М'янма ў рангу Міністра Да Да Хлайн прыняў удзел у якасці спікера ў міжнароднай канферэнцыі «Еўразійская бяспека: рэальнасць і перспектывы ў свеце, які трансфармуецца» (г.Мінск, 26-27 кастрычніка 2023 г.).
Дагаворна-прававая база знаходзіцца ў стадыі фарміравання і налічвае 8 міждзяржаўных, міжурадавых і міжведамасных пагадненняў.
Інтарэсы Рэспублікі Беларусь у Рэспубліцы Саюз М'янма прадстаўляе Пасольства Беларусі ў Ханоі, інтарэсы м'янманскага боку — Пасольства М'янмы ў Маскве. З верасня 2023 года ў г. Мінску дзейнічае Генеральнае консульства Рэспублікі Саюз М'янма.
Указам Прэзідэнта Рэспублікі Беларусь ад 7 ліпеня 2022 г. Надзвычайным і Паўнамоцным Паслом Рэспублікі Беларусь у Рэспубліцы Саюз М'янма па сумяшчальніцтве назначаны Ул.Ул.Баравікоў. Назначаны Пасол уручыў даверчыя граматы Старшыні Дзяржаўнага адміністрацыйнага савета, Прэм'ер-міністру, Галоўнакамандуючаму ўзброенымі сіламі Рэспублікі Саюз М'янма, старшаму генералу Мін Аун Хлайну 20 кастрычніка 2022 г.
З 2011 года ў г.Янгоне дзейнічае Ганаровае консульства Беларусі. Ганаровы консул ‒ Аун Мо М'ін.
