:

Навукова-тэхнічнае ўзаемадзеянне, супрацоўніцтва ў галіне адукацыі

Узаемадзеянне ў галіне навукі і тэхналогій ажыццяўляецца на падставе міжурадавага Пагаднення аб навукова-тэхнічным супрацоўніцтве ад 5 чэрвеня 1995 г.

Дагаворна-прававая база паміж установамі НАН Беларусі і в'етнамскімі партнёрамі ўключае рад пагадненняў у розных галінах навукова-тэхнічнага супрацоўніцтва.

У 2012 годзе быў створаны сумесны цэнтр В'етнамскай акадэміі навук і тэхналогій (ВАНТ) і НАН Беларусі для распрацоўкі і асваення ў вытворчасці тэхналогій у галіне прыбора- і машынабудавання, энергетыкі і хімічнай прадукцыі.

На базе тэхнапарка БНТУ «Палітэхнік» функцыянуе Беларускае аддзяленне Беларуска-В'етнамскага Цэнтра садзейнічання навукова-тэхнічнаму супрацоўніцтву.

Дзейнічае Сумесная Беларуска-В'етнамская камісія па навукова-тэхнічным супрацоўніцтву. Чарговае 11-е пасяджэнне адбылося ў г.Ханое 25 верасня 2019 г. Быў падпісаны Пратакол аб ацэнцы стану рэалізуемых праектаў і перспектывах супрацоўніцтва пасля 2020 года.

У сакавіку 2021 г. паміж Дзяржаўным камітэтам па навуцы і тэхналогіях Рэспублікі Беларусь і Міністэрствам навукі і тэхналогій Сацыялістычнай Рэспублікі В'етнам падпісаны пералік сумесных беларуска-в'етнамскіх праектаў у галіне навукова-тэхнічнага супрацоўніцтва пад рэалізацыю ў 2021-2022 гг.

У кастрычніку 2021 г. Старшыня В'етнамскай акадэміі навук і тэхналогій быў удастоены медаля НАН Беларусі «За дасягненні ў навуцы».

У лістападзе 2021 г. прынята рашэнне аб стварэнні сумеснага Беларуска-В'етнамскага Навукова-даследчага Цэнтра па вывучэнні электрахімічных працэсаў на базе БДУ.

12 красавіка 2022 г. у г.Ханае ў В'етнамскай акадэміі навук і тэхналогій прайшоў круглы стол па тэме навуковага супрацоўніцтва Беларусі і В'етнама. У мерапрыемстве прыняла ўдзел дэлегацыя з ліку кіраўнікоў беларускіх навукова-практычных інстытутаў і ўстаноў вышэйшай адукацыі. Па выніках заключаны шэраг пагадненняў аб рэалізацыі канкрэтных навуковых і навукова-тэхнічных праектаў.

20 красавіка 2022 г. Старшыня прэзідыума Нацыянальнай акадэміі навук Беларусі акадэмік Уладзімір Гусакоў правёў перагаворы ў фармаце відэаканферэнцыі з Прэзідэнтам В'етнамскай акадэміі навук і тэхналогій Цьяу Ван Мінем.

Асноўным дакументам, які рэгламентуе ўзаемадзеянне ў галіне адукацыі, з'яўляецца Пагадненне паміж Урадам Рэспублікі Беларусь і Урадам Сацыялістычнай Рэспублікі В'етнам аб супрацоўніцтве ў галіне адукацыі ад 29 лістапада 2011 г.

У рамках Дзён адукацыі Рэспублікі Беларусь, якія прайшлі ў г. Ханае 15-16 чэрвеня 2023 г., падпісана абноўленае Пагадненне паміж Урадам Рэспублікі Беларусь і Урадам Сацыялістычнай Рэспублікі В'етнам аб супрацоўніцтве ў сферы адукацыі. Падпісана таксама больш за дзесятак пагадненняў аб супрацоўніцтве паміж ВНУ Беларусі і В'етнама.

У перыяд з 1962 года у беларускіх вышэйшых навучальных установах  падрыхтавана для В'етнама больш за 1500 спецыялістаў, 152 кандыдата навук, 3 доктара навук. 155 грамадзян В'етнама скончылі тэхнікумы, больш за 1800 – прафесійна-тэхнічныя вучылішча Беларусі.

Дыпмісіі Беларусі за мяжой

Усе дыпмісіі Сайт МЗС
Перайсці