:

Гандлёва-эканамічнае супрацоўніцтва

У кастрычніку 2016 г. увайшло ў сілу Пагадненне аб зоне свабоднага гандлю паміж дзяржавамі-членамі ЕАЭС і В'етнамам, а таксама беларуска-в'етнамскі міжурадавы Пратакол аб падтрымцы вытворчасці маторных транспартных сродкаў на тэрыторыі В'етнама.

Тавараабарот Рэспублікі Беларусь з Сацыялістычнай Рэспублікай В'етнам

млн. долараў ЗША

 

2015

2016

2017

2018

2019

 2020

Тавараабарот

149,8

121

135,3

115,3

211,1

178,7

Экспарт

111,5

76,8

76,3

61,6

108,2

95,8

Імпарт

38,3

44,2

59

53,7

102,9

82,9

Сальда

73,2

32,6

17,3

7,9

5,3

12,9

Асноўнымі артыкуламі беларускага экспарту ў В'етнам у апошнія гады з'яўляюцца:

♦ калійныя ўгнаенні;
♦ аўтамабілі грузавыя;
♦ кар'ерныя самазвалы;
♦ трактары;
♦ шыны;
♦ малако і малочныя прадукты;
♦ гавядзіна замарожаная;
♦ сінтэтычныя ніці;
♦ поліаміды.

Асноўныя артыкулы імпарту Беларусі з В'етнама:

♦ сродкі сувязі;
♦ камп'ютэрная і аргтэхніка;
♦ морапрадукты;
♦ рыс, арэхі;
♦ абутак і адзенне;
♦ натуральны каўчук;
♦ трапічныя фрукты;
♦ чай, кава, спецыі.

Прасоўваннем экспарту ў СРВ займаюцца створаныя ўласныя рэгіянальныя суб'екты тавараправоднай сеткі беларускіх прадпрыемстваў (ААТ «МАЗ», ААТ «МТЗ»).

У лютым 2019 г. паміж ААТ «Мінскі малочны завод №1» і в'етнамскай кампаніяй «Au Viet Food Import-Export And Manufacture» падпісаны ўстаноўчыя дакументы па стварэнні сумеснага прадпрыемства па вытворчасці малака і малочнай прадукцыі з беларускай сыравіны ў В'етнаме – ТАА СП «AU Viet MILK».

У верасні 2019 г. адбылася ўрачыстая цырымонія адкрыцця зборачнага завода грузавікоў МАЗ у правінцыі Хынгйен.

У верасні 2019 г. паміж ААТ «МАЗ» і ТАА СП «МАЗ Азія» быў падпісаны рамачны кантракт на пастаўку ў СРВ 500 адз. аўтатэхнікі са штогадовай адгрузкай не менш 100 адз.

У красавіку 2020 г. была завершана працэдура сертыфікацыі ў В'етнаме беларускага малака і малочнай прадукцыі.

У чэрвені 2018 г. у Мінску адбылося 14-е пасяджэнне беларуска-в'етнамскай міжурадавай камісіі па гандлёва-эканамічным і навукова-тэхнічным супрацоўніцтве.

Праводзяцца выставачна-кірмашовыя мерапрыемствы, дзелавыя форумы. У 2009 – 2018 гг. арганізавана 12 буйных беларуска-в'етнамскіх бізнес-форумаў (6 – у Беларусі, 6 – у СРВ).

У 2011 – 2018 гг. арганізавана пяць нацыянальных экспазіцый Рэспублікі Беларусь у г.Хашыміне (тройчы) і г.Ханое (двойчы). Нацыянальная экспазіцыя Рэспублікі Беларусь прайшла ў снежні 2018 г. у г.Хашыміне ў рамках 16-й гандлёвай выстаўкі «Vietnam EXPO – 2018».

Дыпмісіі Беларусі за мяжой

Усе дыпмісіі Сайт МЗС
Перайсці