Культурнае і гуманітарнае супрацоўніцтва

Культурнае супрацоўніцтва паміж Беларуссю і В'етнамам ажыццяўляецца ў рамках Пагаднення паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам, якое было падпісана 21 снежня 2007 г. у г.Мінску.

У 2017 і 2023 гг. праведзены Дні культуры Беларусі ў В'етнаме, у 2015 і 2018 гг. — Дні Культуры В'етнама ў Беларусі.

У 2018 годзе беларускім бокам была аказана гуманітарная дапамога цэнтральным рэгіёнам В'етнама, пацярпелым у выніку разбуральнага тайфуну «Дамры».

У 2019 годзе 13 в'етнамскіх дзяцей прайшлі аздараўленне ў «Нацыянальным дзіцячым адукацыйна-аздараўленчым цэнтры «Зубраня» па запрашэнні Прэзідэнта Рэспублікі Беларусь А.Р. Лукашэнкі. У жніўні 2023 года паміж Міністэрствам унутраных спраў Рэспублікі Беларусь і Міністэрствам грамадскай бяспекі СРВ у тых жа мэтах адбыўся абмен групамі дзяцей супрацоўнікаў, якія загінулі або пацярпелі пры выкананні службовых абавязкаў.

У 2020 годзе ад імя Старшыні Нацыянальнага сходу В'етнама Нгуен Тхі Кім Нган былі пераданы 20 тысяч медыцынскіх масак у якасці падарунка для Савета Рэспублікі Нацыянальнага сходу Рэспублікі Беларусь.

У 2021 годзе Беларуссю дастаўлены ў В'етнам гуманітарны груз агульнай вагой больш за 15 тон, які змяшчае медыцынскае абсталяванне і сродкі індывідуальнай абароны для барацьбы з каронавіруснай інфекцыяй.

Нацыянальная каманда В'етнама прыняла ўдзел у ІІ гульнях СНД, якія прайшлі ў Беларусі 4-14 жніўня 2023 г.

У рамках афіцыйнага візіту Прэм'ер-міністра Рэспублікі Беларусь Галоўчанкі Р.А. у В'етнам 8 снежня 2023 г. падпісана Пагадненне паміж Урадам Рэспублікі Беларусь і Урадам Сацыялістычнай Рэспублікі В'етнам аб узаемнай адмене віз для ўладальнікаў нацыянальных пашпартоў.