Палітычнае ўзаемадзеянне

Дыпламатычныя адносіны паміж Рэспублікай Беларусь і Сацыялістычнай Рэспублікай В'етнам устаноўлены 24 студзеня 1992 г.

Палітычнае ўзаемадзеянне паміж Беларуссю і В'етнамам, пабудаванае на традыцыйных адносінах дружбы, даверу і ўзаемаразумення, дынамічна развіваецца.

Падтрымліваецца дыялог на вышэйшым узроўні. Прэзідэнт Рэспублікі Беларусь А.Р. Лукашэнка наведаў В'етнам з афіцыйнымі візітамі ў 1997, 2008 і 2015 гг. Прэзідэнты В'етнама наведвалі Беларусь тройчы: Чан Дык Лыонг у жніўні 1998 г., Нгуен Мінь Чыет у маі 2010 г. і Чан Дай Куанг у чэрвені 2017 г.

У лістападзе 2014 г. адбыўся афіцыйны візіт у Беларусь Генеральнага сакратара ЦК Камуністычнай партыі В'етнама Нгуен Фу Чонга.

Рэгулярна ажыццяўляецца абмен візітамі дэлегацый высокага ўзроўню. Беларусь наведвалі прэм'ер-міністры В'етнама Фан Ван Кхай (2000 год) і Нгуен Тан Зунг (2013 год). Кіраўнікі беларускага ўрада былі з візітамі ў В'етнаме ў 2004 (Сідорскі С.С.) і 2011 гадах (Мясніковіч М.У.).

6 – 9 снежня 2023 г. адбыўся афіцыйны візіт Прэм'ер-міністра Рэспублікі Беларусь Галоўчанкі Р.А. Праведзены сустрэчы з Генеральным сакратаром ЦК КПВ Нгуен Фу Чонгам, Прэзідэнтам Ва Ван Тхыонгам, Прэм'ер-міністрам Фам Мінь Чынем.

Інтэнсіўна развіваюцца міжпарламенцкія сувязі. Ажыццяўляецца абмен візітамі парламенцкіх дэлегацый, праводзяцца сустрэчы ў рамках шматбаковых мерапрыемстваў.

Старшыні Палаты прадстаўнікоў Нацыянальнага сходу Рэспублікі Беларусь наведвалі В'етнам з візітамі ў сакавіку 2000 г. (Малафееў А.А.) і лютым 2006 г. (Канаплёў У.М.).

У красавіку 2009 г. Беларусь з візітам наведаў Старшыня Нацыянальнага сходу СРВ Нгуен Фу Чонг, які займае сёння пасаду Генеральнага сакратара ЦК Камуністычнай партыі В'етнама.

У снежні 2019 г. парламенцкая дэлегацыя В'етнама на чале са Старшынёй Нацыянальнага сходу Нгуен Тхі Кім Нган наведала Беларусь з афіцыйным візітам.

21 лістапада 2022 г. намеснік Старшыні Палаты прадстаўнікоў Нацыянальнага сходу Рэспублікі Беларусь Міцкевіч В.У. правёў сустрэчу са Старшынёй Нацыянальнага сходу В'етнама Выонг Дзінь Хюэ «на палях» 43-й Генеральнай асамблеі Міжпарламенцкай Асамблеі АСЕАН у г.Пнампені.

Падтрымліваюцца кантакты паміж парламенцкімі групамі сяброўства дзвюх краін. 28 верасня 2023 г. адбылася сустрэча кіраўнікоў парламенцкіх груп сяброўства ў фармаце відэаканферэнцыі.

Ажыццяўляецца ўзаемадзеянне паміж знешнепалітычнымі ведамствамі.

У сакавіку 2014 г. адбыўся візіт у СРВ Міністра замежных спраў Беларусі Макея У.У.

12 студзеня 2022 г. у г.Ханое праведзены 3-ці раунд палітычных кансультацый на ўзроўні намеснікаў міністраў.

21 верасня 2023 г. адбылася сустрэча Міністра замежных спраў Беларусі Алейніка С.Ф. з Міністрам замежных спраў СРВ Буй Тхань Шонам на палях 78-й сесіі ГА ААН у г.Нью-Йорку.

Паспяхова развіваецца ўзаемадзеянне ў рамках міжнародных арганізацый, аказваецца ўзаемная падтрымка па выбарнай тэматыцы.

Падтрымліваецца актыўны абмен візітамі на ўзроўні кіраўнікоў міністэрстваў і арганізацый Беларусі і В'етнама.

Дагаворна-прававая база двухбаковых адносін налічвае 100 міждзяржаўных, міжурадавых і міжведамасных пагадненняў.

У снежні 1997 г. Гандлёвае прадстаўніцтва Рэспублікі Беларусь у В'етнаме пераўтворана ў Пасольства. У г. Мінску з канца 2003 года дзейнічае Пасольства В'етнама.

Указам Прэзідэнта Рэспублікі Беларусь ад 10 лютага 2022 г. Надзвычайным і Паўнамоцным Паслом Рэспублікі Беларусь у Сацыялістычнай Рэспубліцы В'етнам назначаны У.У. Баравікоў. Прызначаны Пасол уручыў даверчыя граматы Прэзідэнту Сацыялістычнай Рэспублікі В'етнам Нгуен Суан Фуку 13 красавіка 2022 г.

У сакавіку 2022 г. адкрыта Генеральнае консульства Рэспублікі Беларусь у Хашыміне. Генеральны консул — Р.М. Варанкоў (з красавіка 2022 г.).