Палітычнае ўзаемадзеянне

Дыпламатычныя адносіны паміж Рэспублікай Беларусь і Каралеўствам Камбоджа ўстаноўлены 25 студзеня 1995 г.

Палітычнае ўзаемадзеянне паміж краінамі працягвае развівацца ў інтарэсах абодвух бакоў.

Ажыццяўляюцца візіты дэлегацый высокага ўзроўню.

У красавіку 2014 г. адбыўся афіцыйны візіт Прэм'ер-міністра Каралеўства Камбоджа Хун Сена ў Беларусь.

Наладжаны міжпарламенцкія сувязі.

У чэрвені 2012 г. адбыўся візіт у Беларусь Старшыні Нацыянальнай асамблеі Камбоджы Хенга Самрына.

Ажыццяўляецца ўзаемадзеянне паміж знешнепалітычнымі ведамствамі.

У сакавіку 2014 г. арганізаваны візіт у Камбоджу Міністра замежных спраў Рэспублікі Беларусь Ул.Ул.Макея

Дзейнічае механізм палітычных кансультацый. У чэрвені 2017 г. у г.Мінску прайшоў 1-ы раунд беларуска-камбаджыйскіх кансультацый паміж міністэрствамі замежных спраў на ўзроўні намеснікаў міністраў.

Ажыццяўляецца канструктыўнае супрацоўніцтва ў рамках міжнародных арганізацый.

Міжнародна-прававая база знаходзіцца ў стадыі фарміравання і налічвае 16 міждзяржаўных, міжурадавых і міжведамасных дакументаў.

Інтарэсы Рэспублікі Беларусь у Каралеўстве Камбоджа прадстаўляе Пасольства Беларусі ў г. Ханоі, інтарэсы камбаджыйскага боку — Пасольства Каралеўства Камбоджа ў г. Маскве.

Указам Прэзідэнта Рэспублікі Беларусь ад 7 ліпеня 2022 г. Надзвычайным і Паўнамоцным Паслом Рэспублікі Беларусь у Каралеўстве Камбоджа па сумяшчальніцтве назначаны Ул.Ул. Баравікоў. Прызначаны Пасол уручыў даверчыя граматы Старшыні Сената Каралеўства Камбоджа Сэй Чхуму 15 верасня 2022 г.

З 2013 года ў г.Пнампень дзейнічае Ганаровае консульства Беларусі. Ганаровы консул – Хуот Саван.