Аб удзеле Пасла Уладзіміра Баравікова ў прэс-канферэнцыі
17.06.2025 г.17 чэрвеня 2025 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у прэс-канферэнцыі, арганізаванай Міністэрствам замежных спраў Сацыялістычнай Рэспублікі В'етнам для мясцовых і замежных сродкаў масавай інфармацыі, а таксама кіраўнікоў акрэдытаваных у Ханоі дыпмісій.
На мерапрыемстве абвешчана прынятае Нацыянальным Сходам Сацыялістычнай Рэспублікі В'етнам рашэнне аб унясенні у Канстытуцыю краіны і Закон аб мясцовым самакіраванні змяненняў і дапаўненняў, якія прадугледжваюць укараненне з 1 ліпеня 2025 года новай мадэлі двухузроўневага мясцовага кіравання.
Кіраўнікі Цэнтральнай камісіі па прапагандзе і масавай мабілізацыі, Міністэрства ўнутраных спраў, Міністэрства фінансаў і Камітэта па заканадаўстве і правасуддзі Нацыянальнай асамблеі В'етнама ў сваіх выступах і падчас адказаў на пытанні падкрэслілі, што ўкараненне новай мадэлі самакіравання, разам з аптымізацыяй дзяржапарату і тэрытарыяльна-адміністрацыйнай рэформай, павысіць эфектыўнасць кіравання, створыць дадатковыя магчымасці для эканамічнага развіцця, больш цесных рэгіянальных сувязей, аптымізуе расходы і палепшыць якасць абслугоўвання насельніцтва.
