16 жніўня 2026 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у сустрэчы Міністра грамадскай бяспекі В'етнама генерала арміі Лыонг Там Куанга з групай дзяцей супрацоўнікаў беларускай міліцыі, якія загінулі або пацярпелі падчас выканання службовых абавязкаў.

Мерапрыемства адбылося ў рамках рэалізацыі сумеснага праекта Міністэрства грамадскай бяспекі Сацыялістычнай Рэспублікі В'етнам і Міністэрства ўнутраных спраў Рэспублікі Беларусь па арганізацыі абменных візітаў дзяцей праваахоўнікаў дзвюх краін.

У сваіх выступленнях Міністр Лыонг Там Куанг і Пасол Уладзімір Баравікоў адзначылі, што гэты праект служыць мастом дружбы для беларускай і в'етнамскай моладзі, дапамагае бліжэй пазнаёміцца з культурай і традыцыямі народаў дзвюх краін.

У рамках мерапрыемства Пасол Беларусі абмеркаваў з кіраўніцтвам Міністэрства грамадскай бяспекі стан праектаў супрацоўніцтва, намечаны сумесныя крокі па іх далейшай рэалізацыі.