Аб удзеле Пасла Беларусі У.Баравікова ў мерапрыемствах з нагоды 50-годдзя вызвалення Паўднёвага В'етнама

29 красавіка 2025 г. у г.Хашыміне Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў наведаў урачыстыя мерапрыемствы, прымеркаваныя да 50-годдзя вызвалення Паўднёвага В'етнама і ўз'яднання краіны.

З удзелам прадстаўнікоў гарадскіх улад, грамадскіх і бізнес-колаў В'етнама, а таксама дыпламатычнага корпуса адбылося ўрачыстае адкрыццё Міжнароднага сімвала дружбы горада Хашымін.

Даведачна: бронзавы манумент уяўляе сабой матэматычны сімвал бясконцасці, які сімвалізуе дух бесперапыннай сувязі і дружбы паміж г.Хашымінам і міжнароднай супольнасцю. На яго паверхні выгравіраваны назвы 58 населеных пунктаў, якія ўстанавілі сяброўскія адносіны з г.Хашымінам, у тым ліку сталіца Рэспублікі Беларусь – г.Мінск.

У той жа дзень у ходзе ўрачыстага прыёму ад імя Прэзідэнта Сацыялістычнай Рэспублікі В'етнам Лыонг Кыёнга пасол Беларусі абмеркаваў з прадстаўнікамі в'етнамскіх дзяржорганаў развіццё супрацоўніцтва дзвюх краін у каротка- і сярэднетэрміновай перспектыве, у тым ліку візіты на вышэйшым і высокім узроўнях.

Версія для друку