Аб удзеле Пасла Беларусі Уладзіміра Баравікова ў мерапрыемствах форуму «Будучыня АСЕАН 2025»

25 лютага 2025 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у форуме «Будучыня АСЕАН 2025» у г.Ханое.

У прывітальных выступленнях Прэм'ер-міністр В'етнама Фам Мінь Чынь, Прэзідэнт Тымор-Лешці Жазэ Рамуш-Орта, Прэм'ер-міністр Тайланда Пхетхонгтхан Чынават, Намеснік Генеральнага сакратара ААН Аміна Дж. Махамед падкрэслілі важнасць шматбаковых падыходаў да вырашэння існуючых праблем, умацавання супрацоўніцтва з рэгіянальнымі і глабальнымі арганізацыямі і краінамі-партнёрамі.

Мерапрыемства сабрала каля 600 прадстаўнікоў высокага ўзроўню з краін-членаў АСЕАН, кіраўніцтва МЗС В'етнама, іншых міністэрстваў і ведамстваў, правінцыйных народных камітэтаў, экспертнай і аналітычнай супольнасці, дыпламатычнага корпуса.

Раней у той жа дзень Пасол Уладзімір Баравікоў у ліку ганаровых гасцей прысутнічаў на адкрыцці арганізаванай пад патранатам Намесніка Прэм'ер-міністра – Міністра замежных спраў В'етнама Буй Тхань Шона фотавыставы «Падарожжа В'етнама ў АСЕАН: 30 гадоў прагрэсу і памкненняў.

На палях мерапрыемстваў Пасол Беларусі правёў кароткі абмен думкамі па пытаннях двухбаковага і шматбаковага парадку дня з шэрагам высокапастаўленых прадстаўнікоў в'етнамскіх дзяржорганаў, а таксама кіраўнікамі дыпмісій.

Версія для друку