Аб удзеле Пасла У.Баравікова ў мерапрыемствах візіту ў В’етнам Міністра ўнутраных спраў Беларусі І.Кубракова

17 жніўня 2025 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В’етнам Уладзімір Баравікоў прыняў удзел у мерапрыемствах візіту Міністра ўнутраных спраў Рэспублікі Беларусь Івана Кубракова ў В’етнам.

На сустрэчы Івана Кубракова з Міністрам грамадскай бяспекі В’етнама Лыонг Там Куангам падкрэслены традыцыйна дружалюбны і даверны характар узаемадзеяння праваахоўных органаў дзвюх краін, абмеркаваны прыярытэтныя пытанні міжведамаснага супрацоўніцтва, намечаны планы і графік мерапрыемстваў на бліжэйшую перспектыву.

У ходзе ўрачыстага сходу з нагоды 80-й гадавіны Дня народных сіл грамадскай бяспекі краіны Генеральны сакратар Цэнтральнага камітэта Камуністычнай партыі В’етнама То Лам уручыў Міністэрству грамадскай бяспекі медаль «Залатая Зорка», адзначыўшы заслугі сіл грамадскай бяспекі ў забеспячэнні правапарадку ў краіне, а таксама развіцці ўзаемавыгаднага супрацоўніцтва з замежнымі партнёрамі.

Версія для друку