Аб сустрэчах Пасла У.Баравікова ў г.Нейп'іда
04.12.2024 г.4 снежня 2024 г. у рамках рабочага візіту ў М'янму прайшла сустрэча Надзвычайнага і Паўнамоцнага Пасла Рэспублікі Беларусь Уладзіміра Баравікова з Намеснікам Прэм'ер-міністра, Міністрам замежных спраў М'янмы Тан Свэ. Адбылося прадметнае абмеркаванне актуальных пытанняў палітычнага супрацоўніцтва, планаў развіцця двухбаковай дагаворна-прававой базы з акцэнтам на гандлёва-эканамічную сферу.
У той жа дзень кіраўнік дыпмісіі сустрэўся са Старшынёй Асацыяцыі дружбы і супрацоўніцтва Беларусь — М'янма Аун То, а таксама актывам гэтай арганізацыі. Намечаны планы правядзення сумесных культурна-адукацыйных акцый у 2025 годзе.
З нагоды 25-годдзя ўстанаўлення дыпламатычных адносін паміж Рэспублікай Беларусь і Рэспублікай Саюз М'янма прадстаўнік Беларусі сумесна з кіраўніцтвам і членамі Асацыяцыі правялі ў цэнтры г. Нейп'іда ўрачыстую цырымонію пасадкі дрэва дружбы – Мезуі жалезнай, якая сімвалізуе вечнае сяброўства.
