Аб удзеле Пасла Беларусі У.Баравікова ў форуме «Будучыня АСЕАН 2024»
23.04.2024 г.23 красавіка 2024 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у форуме «Будучыня АСЕАН 2024».
У прывітальных пасланнях прэм'ер-міністраў В'етнама і Лаоса абазначаны перспектыўныя напрамкі развіцця АСЕАН, падкрэслена важнасць шматбаковых падыходаў да вырашэння існуючых праблем, развіцця ўзаемавыгаднага супрацоўніцтва з рэгіянальнымі і глабальнымі арганізацыямі і краінамі-партнёрамі.
У мерапрыемстве ўзялі ўдзел каля 500 прадстаўнікоў высокага ўзроўню некаторых краін-членаў АСЕАН, кіраўніцтва МЗС В'етнама, іншых міністэрстваў і ведамстваў, правінцыйных народных камітэтаў, экспертнай і аналітычнай супольнасці, дыпламатычнага корпуса.
На палях форума Пасол У.Баравікоў правёў кароткі абмен думкамі па асобных аспектах міжнароднага і двухбаковага парадку дня з шэрагам высокапастаўленых прадстаўнікоў в'етнамскіх дзяржаўных органаў, а таксама кіраўнікамі дыпламатычных місій.
