Аб удзеле Часовага паверанага Шломы А.С. у сустрэчы ў МЗС В'етнама

15 ліпеня 2026 г. Часовы павераны Пасольства Беларусі ў В'етнаме Алег Шлома разам з Паслом Расіі Генадзем Бяздзеткам правялі сустрэчу з генеральным дырэктарам дэпартамента міжнародных арганізацый Міністэрства замежных спраў Сацыялістычнай Рэспублікі В'етнам Хаанг Тхі Тхань Нга.

У цэнтры ўвагі зацікаўленага абмену меркаваннямі знаходзіўся пошук магчымых шляхоў умацавання бяспекі ў еўразійскім рэгіёне, перш за ўсё за кошт прыняцця Еўразійскай хартыі разнастайнасці і шматпалярнасці ў XXI стагоддзі.

Таксама на парадку дня былі пытанні ўмацавання ўзаемадзеяння ў рамках міжнародных арганізацый і структур. Пацверджана гатоўнасць бакоў да прадаўжэння практыкі ўзаемнай падтрымкі.

Версія для друку