Аб удзеле Пасла Беларусі У.Баравікова ў цырымоніі ўзнагароджання пераможцаў Нацыянальнага конкурсу жаночых інавацыйных праектаў і жанчын-прадпрымальнікаў

12 кастрычніка 2024 г. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у цырымоніі ўзнагароджання пераможцаў Нацыянальнага конкурсу жаночых інавацыйных праектаў і жанчын-прадпрымальнікаў, арганізаванай напярэдадні Дня жанчын (20 кастрычніка) у Міжнародным кангрэс-цэнтры ў г.Ханоі Саюзам жанчын В'етнама.

У сваім прывітальным слове член ЦК Кампартыі В'етнама, намеснік Старшыні Нацыянальнага сходу СРВ Нгуен Зук Хай акцэнтаваў важную ролю жанчын у сацыяльна-эканамічным і грамадскім жыцці, актыўны ўдзел у інавацыйным развіцці краіны, прасоўванні іміджу В'етнама на міжнароднай арэне.

У мерапрыемстве прынялі ўдзел кіраўнікі органаў улады, кіравання і самакіравання В'етнама, грамадскіх аб'яднанняў, дыпламатычнага корпуса.

“На палях” адбыліся кароткія гутаркі з кіраўніцтвам Саюза жанчын, кіраўнікамі шэрагу органаў дзяржаўнага кіравання і дыпламатычных місій.

Версія для друку