Аб удзеле Пасла Беларусі У.Баравікова ў цырымоніі адкрыцця канферэнцыі маладых парламентарыяў МПС
15.09.2023 г.15 верасня Пасол Беларусі ў В'етнаме Уладзімір Баравікоў прыняў удзел ва ўрачыстай цырымоніі адкрыцця 9-й глабальнай канферэнцыі маладых парламентарыяў, якая праходзіць г. Ханае 14-17 верасня 2023 года пад эгідай Міжпарламенцкага саюза і Нацыянальнага сходу В'етнама.
У канферэнцыі прымаюць удзел больш за 300 маладых парламентарыяў і дэлегатаў з больш як 70 парламентаў-членаў МПС і прадстаўнікоў міжнародных арганізацый. У прысутнасці акрэдытаванага ў г. Ханоі дыпкорпуса да прысутных з відэазваротам звярнуўся Прэзідэнт Сацыялістычнай Рэспублікі В'етнам Ва Ван Тхыонг.
Адкрываючы маштабны форум, Старшыня Нацыянальнага Сходу Выонг Дзінь Хюэ заявіў, што гэта падзея яшчэ раз падкрэслівае актыўны, ініцыятыўны і адказны ўдзел В'етнама ў дзейнасці МПС, а таксама паказвае асаблівую ўвагу краіны да моладзі і сучасных глабальных выклікаў для маладога пакалення.
«На палях» Пасол У.Баравікоў правёў шэраг гутарак з членамі Палітбюро ЦК Кампартыі, в'етнамскімі і замежнымі парламентарыямі, кіраўнікамі цэнтральных органаў улады краіны знаходжання.
15 верасня з удзелам Пасла дэпутат Палаты прадстаўнікоў Нацыянальнага сходу Рэспублікі Беларусь Сяргей Клішэвіч абмеркаваў з першым сакратаром Цэнтральнага камітэта В'етнамскага саюза моладзі імя Хо Шы Міна Буй Куанг Хі пытанні актывізацыі ўзаемадзеяння Беларускага рэспубліканскага саюза моладзі з в'етнамскімі партнёрамі. Намечаны графік маючых адбыцца сумесных мерапрыемстваў.
