Аб удзеле Пасла Беларусі У.Баравікова ў Другой Міжпарламенцкай канферэнцыі спікераў парламентаў

26 – 28 жніўня 2026 г. у г.Пнампені (Каралеўства Камбоджа) адбылася Другая Міжпарламенцкая канферэнцыя спікераў парламентаў на тэму «Салідарнасць у імя міру і сумеснага росквіту: умацаванне міжнароднага права і ўрэгуляванне канфліктаў мірнымі спосабамі».

Рэспубліку Беларусь у ходзе работы міжпарламенцкага форуму прадстаўляў Надзвычайны і Паўнамоцны Пасол Рэспублікі Беларусь Уладзімір Баравікоў.

У дзень адкрыцця канферэнцыі Пасол Беларусі разам з кіраўнікамі замежных дэлегацый, якія прымаюць удзел у міжпарламенцкім форуме, быў прыняты Яго Вялікасцю Каралём Камбоджы Нарадомам Сіхамоні.

У выступленні на пляцоўцы канферэнцыі Пасол Беларусі адзначыў актуальнасць кансалідацыі намаганняў у мэтах пабудовы справядлівага шматпалярнага светаўладкавання, забеспячэння выканання норм міжнароднага права і вырашэння любых міждзяржаўных супярэчнасцей выключна шляхам мірнага дыялога.

Увага ўдзельнікаў форуму звернута на неабходнасць выкаранення практыкі прымянення да краін незаконных аднабаковых прымусовых мер. Падкрэслена міралюбівая палітыка Рэспублікі Беларусь — донара міру, стабільнасці і бяспекі ў Еўропе.

На заканчэнне канферэнцыі Пасол Беларусі разам з іншымі кіраўнікамі замежных дэлегацый прыняў удзел у сустрэчы з Прэм'ер-міністрам Каралеўства Камбоджы Хун Манетам.

«На палях» мерапрыемства таксама праведзены кароткія гутаркі Пасла Беларусі са Старшынёй Сената Камбоджы Хун Сенам, Генеральным сакратаром Міжпарламенцкай канферэнцыі спікераў Эк Натх Дхакалам, а таксама кіраўнікамі шэрагу замежных парламенцкіх дэлегацый. Абмеркаваны пытанні актывізацыі парламенцкага вымярэння супрацоўніцтва і падтрымкі міжнародных мірных ініцыятыў.

Версія для друку