Аб святкаванні Дня Незалежнасці Беларусі
26.06.2025 г.26 чэрвеня 2025 года Пасольствам сумесна з апаратам Aташэ па пытаннях абароны праведзены прыём з нагоды Дня Незалежнасці Рэспублікі Беларусь – Дня Рэспублікі.
Прысутных вітаў Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў.
Лейтматывам яго звароту стала тэма далейшага ўмацавання адносін Беларусі і В'етнама, якія выйшлі на ўзровень стратэгічнага партнёрства, чаму спрыяюць дасягнутыя значныя поспехі дзвюх краін у сацыяльна-эканамічным развіцці. Падкрэслена важнасць пашырэння ўдзелу і ўзаемадзеяння на міжнародных пляцоўках, перш за ўсё ШАС, БРІКС і АСЕАН, а таксама стымулявання тавараабароту ў рамках зоны свабоднага гандлю паміж краінамі-членамі ЕАЭС і В'етнамам.
З улікам шэрагу значных юбілеяў у 2025 годзе, такіх як 80-годдзе Перамогі Савецкага народа ў Вялікай Айчыннай вайне, 50-годдзе вызвалення Паўднёвага В'етнама і ўз'яднання краіны, 80-годдзе незалежнасці в'етнамскай дзяржавы акцэнтавана важнасць захавання гістарычнай памяці і праўды пра падзеі мінулых гадоў як агульнай спадчыны і асновы для далейшага развіцця дружалюбных адносін паміж Беларуссю і В'етнамам.
З віншавальнай прамовай у адказ выступіла намеснік Міністра замежных спраў Сацыялістычнай Рэспублікі В'етнам Ле Тхі Тху Ханг, якая з задавальненнем адзначыла актыўнае развіццё шматграннага беларуска-в'етнамскага супрацоўніцтва, якое выйшла на новы стратэгічны ўзровень.
У мерапрыемстве прынялі ўдзел кіраўніцтва органаў кіравання і самакіравання В'етнама, кіраўнікі акрэдытаваных у г.Ханоі дыпмісій, прадстаўнікі бізнес-супольнасці і грамадскіх арганізацый.
У рамках прыёму была разгорнута фотавыстава БелТА «80 гадоў Перамогі».
