Аб сустрэчах Пасла В.Баравікова ў г.В'енцьяне

21 кастрычніка 2024 г. у рамках рабочага візіту ў г.В'енцьян Надзвычайны і Паўнамоцны Пасол Рэспублікі Беларусь у В'етнаме і Лаосе (па сумяшчальніцтве) Уладзімір Баравікоў правёў сустрэчу з намеснікам Міністра замежных спраў Лаоса Бынлыа Пхаанданувонгам. Бакі разгледзелі актуальныя пытанні двухбаковых адносін і ўзаемнай падтрымкі ў міжнародных арганізацыях. Асобная ўвага ўдзелена развіццю дагаворна-прававой базы паміж дзвюма краінамі.

У той жа дзень Пасол Уладзімір Баравікоў абмеркаваў з намеснікам Міністра сельскай і лясной гаспадаркі Лаоса Тхонгпхатам Вонгмані пытанні пашырэння супрацоўніцтва па ўзаемных пастаўках сельскагаспадарчай і харчовай прадукцыі.

Са Старшынёй Таварыства дружбы Лаос — Беларусь, Віцэ-Прэзідэнтам Саюза лаоскіх жанчын, Тхамаq Пхетвісай дасягнута дамоўленасць аб правядзенні серыі сумесных культурна-адукацыйных мерапрыемстваў.

Версія для друку